حچاية التنگال

سعد العبيدي

مجلس الوزراء الحالي مو كامل، وحتى لهذا المجلس يكملون، لازم يچملون، وحسب الاستحقاقات الانتخابية يمشون، وبمشيتهم لازم يرَضُون كل أهل الاطار، وكل رغباتهم يلبون. ولمن مروا على الوزارات الباقية ورادوا يوزعون. شافوها ما تكفي والقسمة ما راح تجي عَدِل ولا راح ترضي رب العالمين الي لرضاته يسعون. فاقترح العتاة منهم، وأصحاب الرأي السديد استحداث وزارتين، وأربع نواب لرئيس الوزراء، وما نسوا رئيس الجمهورية والشغل المتلتل على راسه، وكثر المسؤوليات فاقترحوا له نواب إثنين، حتى ينامون رغد وعلى مستقبل البلد يطمئنون.

شمران فراش بمدرسة ابتدائية بأطراف الهور، وهو گاعد بالگهوة سمع بمقترحات ومساعي الاطار لسد النقص والامتثال الطوعي للدستور، وگدام الگاعدين هز إيده وگال زين هاي المناصب ما ينرادلها فلوس، أشو من جهة تقطون بينا حتى تسدون فتگ الميزانية، ومن جهة ثانيه تفتگون أكثر من فتگ يستنزف الميزانية وينعل والد والديها. فرد عليه أحد الحضور سماچ من أهل الهور وگال: يل تسأل إعله الحال، حالي إعلَّ حاله، سمچه وشحيح الماي وبظهري فاله.