حچاية التنگال

سعد العبيدي

شي ميشبه شي... السيد هادي العامري يدعو الحكومة العراقية، ان تتراجع عن قرارها بالالتزام بالعقوبات الأمريكية، ويريدها تعيد فتح المطارات العراقية كلها امام الطائرات الإيرانية كلها، ويضغط عليها بهذا الاتجاه. والسيد هو نفسه من كان وزير نقل بحكومة المالكي، أوقف عمليات شحن أسلحة إيرانية الى حزب الله عبر الخطوط الجوية العراقية، تنفيذا لأوامر أمريكية.

وبالسماوة صار كم يوم كهرباء ماكو، ومن يصير أكو وتجي مكرمة، تجيهم ترمش مثل واحد بيه رعاش الله ومعاف، وما تگدر تتحمل الرمش فتنطفي، وتطفي وياها هواي من الأجهزة. والجمهور ما طلع واحتج ولا عاتب الحكومة وگال ليش، لكن ومن التزمت الحكومة بالعقوبات الامريكية، وسدت مطاراتها امام الطيارات الإيرانية، حتى تتچفه شر الامريكان لا يوگفون طياراتها، طلع قسم من الجمهور المجاهد يتظاهر، ويحتج، ويهوس ... بالله عليكم هاي شتحطلها وتطيب!!!