حچاية التنگال

سعد العبيدي

عَلْمّا حصلولها موعد للعملية بمستشفى الكندي بساحة النهضة ببغداد، لنهم شايفين نجوم الظهر. شابة مشكلتها ما تگدر توگف على رجليها. وجا الموعد وحمدت الأم ربها على مجيئه. گولوا جهزنها الممرضات الرحومات، وخلنها على النقالة، وبدا واحد يدفعها وعينه على الأم يريد البخشيش ليگدام. وصلها الرجل بكل كفاءة واقتدار إلى باب غرفة العمليات، أخذ المقسوم وراح.

دقائق وطلع مدير الغرفة وگال: رجعوها.

فَزَتْ الأم ومدت إيدها بجنطتها دا تطلع فلوس، شكت بيه واحد من الفاسدين. ضحك بوجهها وگال: أختي لا تروحين بعيد، المشكلة الكهرباء بالغرفة انقطعت وما ندري ليش. وبعد الظهر جا غير طبيب، فحصها وأخذ أشعات، وحولها لمستشفى الجملة العصبية. دخلت إلى غرفة العمليات من غير سرة باعتبارها حالة مستعجلة، فتحوا العمود الفقري، وصاحوا على الأم: بسرعة اطلعي جيبيلنا هاي البراغي حتى نربط العمود. ودلوها منين تشتريه، والمكان قريب. طلعت المسكينة، نقدت خمس ملايين دينار حق البراغي، ورجعت للمستشفى تدعي على كلمن وصلنا لهذا الحال.