حچاية التنگال

سعد العبيدي

العملية السياسية بالعراق مسدودة، وكلما ينفتح زرف للتهوية ولو بسيط، تطلع منه ريحة عفن سياسي تخلي الواحد يرجع ليوره. وبهاي الأيام الي انفتح بيها زرف انتخاب رئيس الجمهورية، طلعت منه ريحة العودة الى مناصب نواب رئيس الجمهورية دا يرضون السيد المالكي والحلبوسي، يعني بدل ما يحلون أصل المشكلة بتطبيق الدستور والديمقراطية بشكل صحيح، يهرولون باتجاه خلق مشاكل جديدة، لأن إذا إجوي النواب فعلا، راح يصير عبء على الاقتصاد والأمن، وتقوه الدولة العميقة، ويزيد التدهور بسمعة العراق الدولية... المصيبة يدرون هذا المنصب شرفي، منزوع الصلاحية، والي يجيه يشكي من التسكع وكثر النوم، والمصيبة الأكبر يريدون يجيبوله اثنين، واشلون اثنين مستحيل يگعدون راحه.