حچاية التنگال

سعد العبيدي

طيارة للخطوط الجوية العراقية قبل كم يوم ما خلتها السلطات التركية تقلع من أحد مطارات اسطنبول لان السادة المعنيين ببغداد ما مسددين رسوم الوقوف والخدمات الأرضية والأمن، يمكن ناسين، ويمكن واحد منهم خالهن بجيبه أو آخر گال يمعودين خلي يولون ذوله الأتراك غصبن عليهم يطيروها. وطيارات أخرى للخطوط العراقية ما أقلعت من مطار النجف لأن أكو خلاف بين بعض الجهات الرسمية والحزبية على مسألة التزود بالوقود، وتدرون مطار النجف قصته قصة صراع على النفوذ والعوائد بين الأحزاب والعتبات والجهات الحكومة، لا وفوگاها يريدون الطائر الأخضر يحلق فوق أوربا ... من دبش.