حچاية التنگال

سعد العبيدي

الحكومة بعد ما انقصف فندق الرشيد والسفارة الامريكية وحقل مجنون اخذت جرعة مال جرأة وگالت تره هاي أعمال إرهابية، وأضافت راح تواجهها بإجراءات حازمة. بس شني هي الحازمة ما گالت ولا جابتها بالطاري. عبد عمران من حرگة گلبه يگول: عمي قبل ما تنوون وتتحزمون وتحزمون گلولنه اول مره منو هذا الي دا يقصف؟ وانتو اكيد تعرفوه لانه منكم وبيكم، وبكل اجتماع گاعد وياكم. وإذا انتم تخافون تعلنون او تستحون تگولون اشلون عود راح تحاسبون؟ ويختم أبو مريم ويگول تره انتم بالنتيجة راح تعلنون، تعلنون لان الحديدة حِمَتْ ودا تزيد حماوتها يوم بعد يوم، وخلوّا ببالكم المثل الشعبي الي يگول: الامام الي ما يشوّر يسموه أبو الخرگ!