ضيّعت حبك

شليمار عبدالمنعم محمد

 

كنت فاكرة إني أهم صديقة

ولقيت في قلبك أصحاب كتير

أحسيت لحظة إني جوا قلبك

وليا فيك أكبر مكان

لكن عرفت إن قلبك

أصحابك ليهم فيه العنوان

كل يوم يفتح بابه لحد جديد

وأنا اللي حسبتك لي وطن

طلعت مجرد ضيف عابر فيك

أخيرًا فهمت إن قلبك لي عاش

بس عاجز يوصل لي إحساسه

اختبرته بكلمة يمكن يعترف

لكنه أنكر ودفن أنفاسه

قلت يمكن أنا اللي بتهيأ لي

يمكن حلم بيزورني لوحدي

لكن الحقيقة وقفت قصادي –

كسرتني… وهو ساكت جرحي

حسابه على نفسه مش عليا

ذنبه مربوط بيه مش بقلبي

أنا قلبي أطهر من خيانته

وأنا اللي مشيت… وإنت اللي ضيّعت حبك

قدّ إيه في الدنيا ناس بتخدع

وقدّامنا قلوب كتير أبوابها مقفولة

بس أنا من جرحي اتعلمت

إن الخيانة بداية للبطولة

وسأبقى مهما خذلتني القلوب

شايلة جوايا وفا ما بيموتش

لا يغطيه تراب الخيانة

ولا يلمسه نسيان العابرين

من يخسرني يضيّع عمره

أنا الحكاية اللي ما بتتعوضش

وكل وجع بيعدّي عليا

بيخليني أرفع راسي وأصبح أقوى بكتير