حچاية التنگال

سعد العبيدي

القدامى من أهل بغداد والمحافظات القريبة، والي مروا بيها الأتراك زمان، يستخدمون كلمة سختچي، يوصفون بيها الرجل اللعوب، والكذاب، والي يحاول يقشمر الناس بالكلام الحلو حتى يمَشيّ أموره. مواصفات ذكورية إذا نعممها على رجال السياسة بهذا الوكت يبين عدنه:

رؤساء وزراء سختچية، يبني حتىِ يگشوّل، ويخابر حتى يسوّق نفسه، ويجَسِرْ حتى يعبر، ويقصر على الوطن حتى ينطي للجيران. ويبين عدنه:

وزراء سختچية، وإذا نزلنه بعد نلگه عدنه وكلاء ومستشارين وضباط قادة ورجال أعمال سختچية. ويبين:  

من كثر السختچية انتقلت عدوى السختة من الرجال الى النساء لأول مرة بتاريخ البلاد تجاوزا على أصول التوصيف والقيم الاجتماعية، وصار عدنه برلمانية تحچي بالنزاهة، وتستدعي وتسائل، وبالسر تبتز، فنسميها سختچية، ووزيره تعوف شغلها وتروح تخوط بجدر الهريسة هم سختچية، وإعلامية وكل ما يجيبون طاري العراق وهي على الهوا تنزل دموعها على خدودها المتفحة، وطلعت ذابه جرش ويه الجميلي وهاي أكبر سختچية، ويبين :

اختلطت علينه الأمور وتاهت الأوصاف بزمن يستحق أن يكون زمن السختچية.