مرفأ

محمد فاضل ظاهر

أنصبت تسع أمراض واحد منهن السل. ثمانية بسكم وبنوح واخرهن الذل.

الدهر لاوازاك وازة بصبر روح وشماكدر حملك شيل وتحمل جروح.

عشرت وكت هل يوم عشرت زنابير. لو دبك ويجلون لوماكو وطير.

الدهر لاوازاك هابالك أصيح. خل سيفك بيمناك وثبت لما أطيح.

شما تزيد هموم كلبي اطربلهة. ومن تجبل الشمات حيل أضحكلهة.

لومثل صبري ايوب جان انتحر مات. عذالي من البيت والبرة شمات.

الدنيا للتهواه تطيه ثديهة. وضمة خاف يطيح من بين اديهة.

يالماشي الله وياك وبسم الله محروس. وياشفة بعد شفاك تستاهل البوس.

هاك إبرة هاك الخيط خوية ارد اكلفك . مسرد الدلال خيطة على عرفك.

يذكر يوافي الطيب كلب ألتربيه. ينكلب عكرب ليش أبنادم شبيه. خلي الكمر يصعد شعاعاة. ييمة يمحمد ونتسامر فرد ساعة. بجدامي أتعناك يلماتجيني. وشل جرحك الماذيك من هدب عيني.