مرفأ

محمد فاضل ظاهر

بضيم وقهر واحزان أحسلك تموت. ولشوف الشمات انت بطن حوت.

عيب اليكول أحاه من كسر العظام. أحاه وجعهن حيل كسرات الايام.

عالي الشمس رمحين أكعد ينايم .هذا الجسم للدود موشنة دائم.

متوازي والحاجات غياب أهلهة. وغصبن عليهة الروح للشين اذلهة.

وينك يداحي الباب يلتحضر الضيج. وصلت تراها وياي حد شكت الزيج.

لاجرح لاجرحين أكعد وشدهن.جروح الايام هواي مكدر اعدهن.

شكثر صعبة أصير الخالي جيبة.حتى الرضع وياه ينكر حليبة.

نتكابل أنة وياك بأبرة نحفر بير. ولو طلع بيه الماي ذاك الحجي يصير.