الزمان - طبعة العراق - عربية يومية دولية مستقلة
www.Azzaman-Iraq.com
حچاية التنگال

← بواسطة azzaman

حچاية التنگال

سعد العبيدي

 

الليلة باتت محافظة بابل مكشفة؛ تسع مناصب قيادية أمنية واستخبارية وعسكرية وشرطوية، طارت بجرة قلم القائد العام للقوات المسلحة. والقائد من حگّه يجرجرهم، لأن لازم يتحملون جزء من المسؤولية عن عمليات التهريب النفطي من الجرف الي تسيطر عليه الكتائب، خاصة والناس تسأل: معقولة كل هاي الأجهزة والرتب والمناصب، وكل هاي السنين، لا شمّوا ريحة نفط، ولا حسّوا بفروقات قراءة العدادات، ولا عطل صهريج بالطريق؟وأهل بابل يگولون: نومتنا هاي النومة المكشفة، وما صار شي، معناتها كثرة الأجهزة بالمحافظات ما إلها لازمة، واختيار قادتها ومدرائها ومسؤوليها دا يصير مو على أساس المهنية والكفاءة، وإنما حسب الوزن گوتره. ومعناتها، وهو الأهم، أن الإدارة الأمنية والاستخبارية بالبلاد تندار تحت تأثير الخوف من الفصائل: “يعني إشحده الي يحچي”، ومسايرتها حتى لو ارتكبت أخطاء تهدم أركان البلاد: “يعني آني شعليّه».

ويگولون إن جرّة القلم، وإن چانت صحيحة، لكنها ما راح تحل المشكلة، ما دام الجرف بعده على حالة جرف، وأهله المساكين بعدهم ما راجعين، ويدعون على الي صار السبب الليل مع النهار.

 


مشاهدات 30
الكاتب سعد العبيدي
أضيف 2026/11/18 - 3:07 PM
آخر تحديث 2026/11/19 - 12:48 AM

تابعنا على
إحصائيات الزوار
اليوم 150 الشهر 39528 الكلي 16690062
الوقت الآن
الخميس 2026/11/19 توقيت بغداد
ابحث في الموقع
تصميم وتطوير